मतदान कार्ड ऑनलाइन कसे काढायचे? मोबाईलवर Form 6 भरण्याची संपूर्ण प्रक्रिया

१. मतदान कार्ड ऑनलाइन अर्जासाठी ECINET App डाउनलोड करा

1. सर्वप्रथम मोबाईलमधील Play Store उघडून ECINET हे ॲप्लिकेशन सर्च करा आणि इन्स्टॉल करा.
2. ॲप ओपन केल्यानंतर मागितलेल्या आवश्यक परवानग्या (Permissions) Allow करा.
3. ॲपच्या होम स्क्रीनवर Voter Registration Forms या पर्यायावर क्लिक करा.
4. यानंतर New Voter Registration हा पर्याय निवडा.

मतदान कार्ड ऑनलाइन Form 6 कसा भरायचा?

• आधीच अकाउंट असल्यास तुमचा मोबाईल नंबर टाकून Send OTP करा आणि लॉगिन करा.
• नवीन युजर असल्यास New User या पर्यायावर क्लिक करा.
• तुमचा मोबाईल नंबर टाका आणि Send OTP वर क्लिक करा.
• मोबाईलवर आलेला OTP प्रविष्ट करा व तुमचे नाव (First Name) आणि आडनाव (Last Name) भरून Submit करा.
• User Created Successfully असा मेसेज आल्यावर पुन्हा मोबाईल नंबर व OTP वापरून ॲपमध्ये लॉगिन करा.

२. Form 6 भरणे आणि मुख्य माहिती निवडणे

1. लॉगिन झाल्यानंतर Voter Registration Forms मध्ये जाऊन New Voter Registration – Form 6 हा पर्याय निवडा.
2. स्क्रीनवर दिसणाऱ्या Let’s Start या बटणावर क्लिक करा.
3. जर तुम्ही पहिल्यांदाच मतदान कार्डासाठी अर्ज करत असाल, तर विचारलेल्या प्रश्नासाठी Yes हा पर्याय निवडा आणि त्यानंतर Next वर क्लिक करा.
4. राज्य, जिल्हा आणि मतदारसंघ:

• तुमचे राज्य Maharashtra निवडा.
• तुमचा जिल्हा (District) निवडा.
• तुमचा विधानसभा मतदारसंघ (Assembly Constituency) अचूक निवडा.

३. जन्मतारीख आणि जन्म पुरावा (Birth Proof) अपलोड करणे

• तुमची जन्मतारीख (Date of Birth) निवडा.
• जन्मतारखेच्या पुराव्यासाठी खालीलपैकी एक कागदपत्र निवडा:
• जन्म दाखला (Birth Certificate)
• पॅन कार्ड (PAN Card)
• ड्रायव्हिंग लायसन्स (Driving Licence)
• १० वीची गुणपत्रिका (10th Marksheet)
• पासपोर्ट (Passport)
• आधार कार्ड (Aadhaar Card)

कागदपत्र अपलोड करताना घ्यायची काळजी:

• निवडलेल्या कागदपत्राची झेरॉक्स प्रत काढून त्यावर स्वतःची सही करा (Self-Attested Copy).
• Click to Upload वर क्लिक करून ती प्रत अपलोड करा. फाइलबॉक्सची साईझ 2 MB पर्यंत असावी.

४. पासपोर्ट फोटो आणि वैयक्तिक माहिती भरणे

1. फोटो अपलोड: Upload Picture वर क्लिक करून तुमचा नवीन पासपोर्ट साईझ फोटो अपलोड करा. फोटोची साईझ 200 KB पर्यंत असावी.
2. लिंग (Gender): तुमचा योग्य पर्याय (Male / Female / Transgender) निवडा.
3. नाव भरणे:

• नाव भरताना आधार कार्डवरील स्पेलिंगनुसारच नाव भरा.
• Name बॉक्समध्ये इंग्लिशमध्ये नाव, तर Regional बॉक्समध्ये मराठीत नाव आपोआप येईल (नसल्यास दुरुस्त करा).
• नाव, वडिलांचे नाव आणि आडनाव अशा क्रमाने नाव भरा.

५. आधार तपशील व संपर्क माहिती (Aadhaar & Mobile Number)

• Aadhaar Details: Aadhaar Number निवडून तुमचा १२ अंकी आधार क्रमांक टाका.
• Mobile Number: स्वतःचा नंबर असल्यास Self निवडा आणि मोबाईल नंबर टाकून OTP द्वारे व्हेरिफाय (Verify) करून घ्या. (ईमेल आयडी भरणे ऐच्छिक आहे).
• दिव्यांग व्यक्तींसाठी: अर्जदार दिव्यांग असल्यास दिव्यांगाचा प्रकार, टक्केवारी आणि UDID कार्डची माहिती अपलोड करण्याचा पर्याय उपलब्ध आहे. नसल्यास हा भाग सोडून पुढे जा.

६. नातेवाईकांचा तपशील (Relation Type)

• Relation Type मध्ये Father (वडील), Mother (आई) किंवा Husband (पती) यांपैकी योग्य पर्याय निवडा.
• निवडलेल्या नातेवाईकाचे पूर्ण नाव आणि आडनाव इंग्लिश व मराठीत अचूक भरा.

७. राहण्याचा पूर्ण पत्ता (Address Details) आणि पुरावा

• घराचा क्रमांक (House Number)
• परिसर/अपार्टमेंटचे नाव
• वॉर्ड क्रमांक किंवा गावाचे नाव
• पोस्ट ऑफिस, तालुका आणि पिन कोड (PIN Code)

पत्त्याचा पुरावा (Address Proof):

• वीज, पाणी किंवा गॅसचे बिल

• बँक पासबुक
• पासपोर्ट / आधार कार्ड
• खरेदीखत (Sale Deed) किंवा भाडेकरार (Rent Agreement)

८. कुटुंबीय आणि जुन्या मतदार यादीतील माहिती (Electoral Roll Details)

• तुमच्या कुटुंबातील सदस्यांचे (आई-वडील किंवा पती/पत्नी) नाव आधीच मतदार यादीत असल्यास त्यांचे नाव आणि शक्य असल्यास Voter ID (EPIC) नंबर भरा.
• जर जुन्या मतदार यादीत नाव शोधायचे असेल, तर निवडणूक आयोगाच्या अधिकृत वेबसाईटवर जाऊन राज्य, जिल्हा व मतदारसंघाची माहितीवरून:
• Polling Station Number
• Part / Serial Number
  माहिती मिळवून फॉर्ममध्ये नोंदवा.

९. अर्ज तपासा आणि e-Sign करून Submit करा

1. माहितीची पडताळणी: अर्ज सबमिट करण्यापूर्वी नाव, जन्मतारीख, पत्ता आणि अपलोड केलेली कागदपत्रे पुन्हा एकदा व्यवस्थित तपासा.
2. e-Sign व सबमिट:

• सर्व माहिती बरोबर असल्यास e-Sign and Submit वर क्लिक करा.
• तुमचा आधार क्रमांक प्रविष्ट करा.
• आधारशी लिंक असलेल्या मोबाईल क्रमांकावर आलेला OTP भरा.
• नियम व अटी (Terms) मान्य करून अर्ज फायनल सबमिट करा.

१०. Reference ID आणि अर्जाचे Status कसे तपासायचे?

• अर्ज यशस्वीरीत्या सबमिट झाल्यावर स्क्रीनवर एक Reference ID मिळेल. याचा स्क्रीनशॉट काढून सुरक्षित ठेवा.
• Status तपासण्याची पद्धत:

1. ECINET App उघडा.
2. Track Your Application या पर्यायावर क्लिक करा.
3. तुमचा Reference ID टाकून अर्जाची सध्याची स्थिती (BLO Verification, Acceptance किंवा Rejection) तपासा.

• अर्ज मंजूर झाल्यानंतर तुम्हाला Voter Number (EPIC Number) मिळेल. त्याद्वारे तुम्ही डिजिटल मतदार कार्ड ऑनलाइन डाउनलोड करू शकता.

वारंवार विचारले जाणारे प्रश्न (FAQ)

निष्कर्ष